उपाधिको प्रमुख दाबेदार मानिएको पिएसजीलाई नसोचेको झड्का, चलेन मेस्सीको जादु !

एजेन्सी । युइएफए च्याम्पियन्स लिग अन्तर्गत उपाधिको होडमा रहेको पेरिस सेन्ट जर्मेन (पिएसजी) झड्का लागेको छ । प्रि–क्वाटरफाइनलको पहिलो लेगको घरेलु टोली पिएसजीलाई हार ब्यहोरेसंगै झड्का लागेको हो ।

युइएफए च्याम्पियन्स लिग अन्तर्गतको पहिलो लेगमा जर्मनी क्लब बायर्न म्युनिखसँग हार बेहोरेको छ । गएराति भएको खेलमा बायर्नसंग १–० ले पराजित हुन पुगको छ ।

बायर्नको जितमा पिएसजीकै पुर्व खेलाडी किङ्सले कोमानले गर्न सफल भएका हुन् । उनको गोल नै निर्णायक गोल बन्न पुग्यो ।

उनले ५३औं मिनेटमा अलफन्सो डाभिसको पासमा गोल गर्न सफल भएका थिए ।

यस्तै, अन्तिम समयमा बायर्न १० खेलाडीमा समेटिन पुग्यो । बेन्जामिन पाभार्ड दोहोरो पहेलो कार्ड खाँदै मैदानबाट बाहिरिए । रातो कार्ड पाउने बेलमा पाभार्डले मेस्सीमाथि फउल गरेका थिए ।

पिएसजीले चोटबाट पूनरागमन गर्ने प्रयासमा रहेका लियोनेल मेस्सी र केलियन एमबाप्पे मैदान उत्रिए पनि खेलको जाँदु चलाउन सकेनन् ।

दोस्रो लेग बायर्नको मैदानमा ८ मार्चमा हुनेछ । दोस्रो लेगमा यही नतिजा कायम राख्न सकेको खण्डमा बायर्न क्वाटरफाइनलमा पुग्नेछ ।