घट्यो पेट्रोल र डिजेलको मुल्य

११ असार, काठमाडौँ ।

लगातार बढिरहेको पेट्रोलियम पदार्थको मुल्य बृद्धिमा ब्रेक लागेको छ । नेपाल आयल निगमले पेट्रोलियम पदार्थको मूल्यमा कटौती गरेसंगै पेट्रोलियम पदार्थको मुल्य बृद्धिमा ब्रेक लागेको हो ।

सत्ता गठबन्धनको निर्णयअनुसार नेपाल आयल निगमले पेट्रोलियम पदार्थको मूल्यमा कटौती गरेको छ ।

आज शनिबार बसेको निगम सञ्चालक समिति बैठकले मूल्य घटाउने निर्णय गरेको हो । निगमले पेट्रोलमा २० रुपैयाँ र डिजेल(मट्टितेलमा २९ रुपैयाँ मूल्य घटाएको हो ।

यसअनुसार अब घटेको पेट्रोलको मूल्य १७९ निर्धारण हुनेछ । भने डिजेल(मट्टितेलको १६३ निर्धारण हुनेछ । घटेको मूल्य आजै राति १२ बजेदेखि लागू हुने नेपाल आयल निगमले जनाएको छ ।

आज बिहान बसेको सत्ता गठबन्धनको बैठकले कर कटौती गरेर पेट्रोलियम पदार्थको मूल्य घटाउन निर्णय गरेको थियो ।