पुरुष हिंसा बन्द गर भन्दै महिलाहरुले गरे काठमाडौँमा प्रदर्शन !

काठमाडौँमा हिजाे पुरुष पुरुष हिंसा बन्द गर्नु पर्ने भन्दै आन्दोलन भएको छ । अभिनेता पल शाहलाई रिहाइको माग गर्दै शुक्रबार राजधानीमा प्रदर्शन भएको हो ।

अभिनेता पल शाहका फ्यानहरुले न्याय निरुपण कायम गर, अदालतमा हुने भ्रष्टाचार अन्य गर, निर्दोषलाई फसाउन पाइँदैन, पुरुष हिंसा बन्द गर, पल शाहलाई न्याय दे, महिलाको अधिकार सुनिश्चित गरुलगायतका नारा लगाउँदै प्रदर्शन गरेका हुन् ।

आन्दोलनमा महिला सहभागिता पनी प्रसस्तै थियो अधिकांस महिलाहरुले नै पुरुष हिंसा बन्द गर भन्ने नारा साहितको प्ले कार्ड बोकेर बिरोध जनाएका थिए ।

बिहीबार मात्रै उच्च अदालत पोखराले शाहलाई रिहा नगर्ने आदेश दिएको थियो । अदालतले जिल्ला अदालत तनहुँको आदेशलाई सदर गर्दै रिहा नगर्ने आदेश दिएको हो । एक नाबालिग गायिकामाथि बलात्कारको आरोपमा पक्राउ परेका शाह हाल थुनामै छन् ।