स्थापित र सिंहको मत जोड्दा पनि बालेनकै धेरै

गत वैशाख ३० गने भएको स्थानीय निकायको चुनावमा काठमाडौँ महानगरमा स्वतन्त्र उम्मेदवारी दिएका बालेन को अग्रता कायम छ । चासोका साथ हेरिएको महानगरमा बालेन दुई ठुला पार्टीका उम्मेदवार भन्दा धेरै अगाडि देखिएका छन् ।

काठमाडौँ महानगरपालिका मेयरमा स्वतन्त्र उम्मेदवार बालेन साहले फराकिलो अग्रता कायम गरेका छन् ।

पछिल्लो परिणामअनुसार बालेनले १५ हजार ७७५ मत प्राप्त गर्दा एमालेका केशव स्थापितले ८ हजार २५३ मत ल्याएका छन् । त्यस्तै, गठबन्धनका तर्फबाट कांग्रेसकी सृजना सिंहले ७ हजर ३४८ मत प्राप्त गरेका छन् । अहिलेसम्म स्थापित र सिंहको मत परिणाम जोड्दा पनि बालेनको धेरै छ ।

चासोका साथ हेरिएको महानगरमा बालेनको लौरो चुनाव चिन्हले कमाल देखाएको छ । सचेत मतदाता रहेको राजधानीमा स्वतन्त्र उम्मेदवारले ठुला भनिएका दललाई पछार्दै अगाडि देखिएका हुन् । अझै धेरै मत परिणाम गन्न वाकी रहेपनि बालेनले मेयर पद जित्ने लगभग पक्का देखिएको आम जनताको बुझाई छ ।