पुष्पराम केसी सशस्त्र प्रहरीको महानिरीक्षक नियुक्त

सरकारले सशस्त्र प्रहरीको महानिरीक्षक(आइजीपी)मा पुष्पराम केसीलाई नियुक्त गरेको छ । बुधबार बिहान बसेको मन्त्री परिषद् बैठकले केसीलाई सशस्त्र प्रहरीको महानिरीक्षक बनाउने निर्णय गरेको हो।

अतिरिक्त महानिरीक्षक (एआईजी) पुष्पराम केसी वरीयतामा अगाडी थिए । उनी नेपाल प्रहरीमा २०४९ वैशाख १९ मा इन्स्पेक्टरमा भर्ना भएर पछि सशस्त्र प्रहरीमा प्रवेश गरेका हुन् । पुष्पराम केसी कार्य तथा सीमा सुरक्षा विभागको प्रमुख थिए । उनी २०७९ वैशाख १८ मा अवकाशमा जाँदैछन् ।

केसीले गत चैत २८ गते सशस्त्र प्रहरी बलको निमित्त महानिरीक्षकको जिम्मेवारी पाएका थिए । शैलेन्द्र खनाल २०७४ चैत २९ बाट चार वर्ष सशस्त्रको आईजीपी भए । उनको अवकाशसँगै उनकै ब्याचका केसी र रामशरण पौडेल आईजीपीका प्रतिस्पर्धी थिए ।

गृहमन्त्री बालकृष्ण खाँणले केसीलाई महानिरीक्षक बनाउने प्रस्ताव मन्त्रिपरिषद्मा लगेका थिए । सशस्त्र प्रहरी महानिरिक्षक शैलेन्द्र खनालले अवकाश पाएसँगै केसी महानिरिक्षकमा नियुक्त भएका हुन् । केसीले पनि उमेर हदका कारण यही वैशाख १९ गते अनिवार्य अवकाश पाउँदैछन्।