एमाले नेताको हृदयघातका कारण निधन

नेकपा एमालेका नेता तथा सिरहाको गोलबजार नगरपालिका वडा नम्वर ११ का वडा अध्यक्ष हृदयघातका कारण निधन भएको छ ।

नगरपालिकाको वडा नम्बर ११ का वडाअध्यक्ष रामदेव यादवको आज निधन भएको हो ।

५२ वर्षीय यादवलाई एक महिनाभित्रै दुई पटक हृदयघात भएको नगर प्रमुख देवनाथ साहले जानकारी दिए ।

मदेव यादव । फाइल तस्विर

उनका अनुसार एक महिनाअघि पनि उनलाई हृदयघात भएको थियो । त्यस बेला उपचार गराएर घर आएका उनलाई बिहीबार पुनः हृदयघात भएको थियो ।

हृदयघात भएपछि उनलाई उपचारका लागि वी.पि. कोइराला स्वास्थ्य विज्ञान प्रतिष्ठान धरान लगिए पनि उपचारका क्रममा शुक्रबार मृत्यु भएको नगरप्रमुख साहले बताए ।

यादव २०७४ सालमा भएको स्थानीय तहको निर्वाचनमा नेकपा एमालेबाट वडाअध्यक्षमा निर्वाचित भएका थिए ।

वडा अध्यक्षको निधन भएपछि शुक्रबार नगरपालिकाभित्र शोक विदा दिइएको नगर प्रमुख साहले बताए ।