देश र जनताको हितका लागि एमालेले जित्नुपर्छ, अरूले जिते जनताको हित गर्दैनन् : गोकर्ण विष्ट

नेकपा एमालेका सचिव गोकर्ण विष्टले देश र जनताको हितका लागि पनि आगामी निर्वाचनमा नकपा एमाले पार्टीले जित्न जरुरी रहेको बताउदै अरु पार्टीले जनताको हितमा काम गर्न नसक्ने बताएका छन् ।

सचिव विष्टले सत्तारुढ गठबन्धनसँग चुनावको सामना गर्न एमाले एक्लै तयार रहेको समेत बताएका छन् । देश र जनताको हितका लागि पनि आगामी निर्वाचनमा आफ्नो पार्टीले जित्नै पर्ने उनको तर्क थियो ।

हिजो काठमाडौंमा आयोजित भएको एक कार्यक्रमलाई सम्बोधन गर्ने क्रममा उनले चुनाव हार्ने भएपछि सत्तारुढ दलहरू एमालेसँग एक्लै भिड्न डराएको जिकिर समेत गरेका छन् ।

सचिव विष्टले आगामी निर्वाचनमा पार्टीलाई विजयी गराउने काममा केन्द्रित हुन सिंगो पार्टी लाग्नुपर्नेमा जोड दिदै निर्वाचन एमालेकै पक्षमा आउने दावी गरे ।