पल शाहको गुहार : मलाई सबै मिलेर फसाइयो, बचाइदिनुस्

काठमाडौं । नायक पल शाह अहिले चर्चा र विवादको शिखरमा छन् । नाबालिग गायिकाले शाहविरुद्ध जबरजस्तीकरणीको जाहेरी दिएपछि उनी विवादमा आएका हुन्। तनहु प्रहरीले पललाई पक्राउ गर्न खोजिरहेको छ। उनी अहिलेसम्म फरार रहेका छन्।

अभिनेता शाहलाई पक्राउ गर्न ५ प्रहरी टोली परितालन गरिएको बताइएको छ। उसो त पलले केही दिनअघि एक अडियो सार्वजनिक गर्दै आफूविरुद्ध षड्यन्त्र भएको बताएका थिए।

हालै एक मिडियासँग फोनमा वार्तामा उनले आफू निर्दोष रहेको बताएका छन् । उनले नेपालको कानुन नै गाह्रो रहेको समेत जानकारी दिए ।

नेपालको कानुन अनुसार चाहिँ एकदमै गाह्रो रहेछ। कुनै पनि महिलाले मलाई रेप भएको छ या मलाई यस्तो गर्नु भयो भनेर बोलेकै आधारमा पनि उजुरी हालेर पक्रिनु पर्ने अवस्था आएको रहेछ यहाँको नियम चाहिँ। यो चाहिँ सरासर झुटो हो हुन्छ नि पीडित एउटा पिडामा चाहिँ छोरी मान्छे मात्र हुँदैन जहिलेपनी, पिडामा पुरुष पनि हुनसक्छ।

म चाहिँ पिडामा छु अहिले, मलाई चाहिँ पिडामा पारिएको छ अहिले। कति कुराहरु बिचमा मैले बोल्न नमिल्ने अवस्था थियो उसको जिन्दगीको लागि। दर्शक महानुभाव तथा शुभचिन्तक साथीहरुमा म भन्न चाहन्छु कि मलाई चाहिँ यहाँ फसाइयो। हुन्छ नि सधैं महिलामात्र पिडामा पर्दैनन्, पुरुष पनि पिडामा पर्छन् यो चाहिँ बुझ्दिनु होला।