एमसीसी यथास्थितिमा सांसदबाट पारित हुन सक्दैन, एमसीसीको विषयमा मध्यमार्ग हुँदैन : झलनाथ

एकीकृत समाजवादीका सम्मानित नेता तथा पूर्व प्रधानमन्त्री झलनाथ खनालले एमसीसी सांसदबाट पास हुन नसक्ने दाबी गरेका छन् । एमसीसीको विषयमा आफ्नो पार्टीले मध्यमार्ग अपनाउने भन्ने कुर नहुने बताउँदै यथास्थितिमा एमसीसी पास हुन नसक्ने बताएका छन् ।

शनिबार माओवादी केन्द्रका शीर्ष नेताहरुसँग छलफलपछि सञ्चारकर्मीहरुसँग कुरा गर्दै उनले भने, ‘के के हुन् मध्यमार्ग भनेर त्यो मध्यमार्गको कुरा हामीलाई थाहा हुँदैन । तर, दुईटा मार्ग छन् । एस वा नो को मार्ग । हामी यथास्थितिमा नो भन्छौं । राष्ट्रको हितमा हुने गरी संशोधन गरिए एस भन्ने पक्षमा छौं ।’

एमसीसीमा मध्यमार्गको खोजी भएको विषय आफूले पनि सञ्चार माध्यमबाट थाहा पाएको भन्दै उनले कसकसले मध्यमार्ग खोजेको हो आफूलाई जानकारी नभएको बताए ।

नेता खनालले सरकार छोड्ने कि नछोड्ने भन्ने विषय एमसीसीको मुद्धा कसरी टुंगिन्छ त्यसमा भर पर्ने बताए । ‘सरकार छोड्ने बारेमा केही कुरा गरेका छैनौं । अब एमसीसीको मुद्धा कसरी टुंगिन्छ ? त्यसले धेरै कुराहरु निर्णय गर्छ ।