एमसीसी टेबल गर्न नदिए देउवाको सभामुख हटाउनेदेखि मन्त्री बर्खास्त गर्नेसम्मको तयारी

प्रधानमन्त्री शेरबहादुर देउवाले एमसीसी टेबुल गर्न नदिए सत्ता साझेदार माओवादी केन्द्रका अध्यक्ष प्रचण्ड सँग सबन्ध तोड्ने रणनीतिमा रहेको स्रोत बताउँछ । सत्ता साझेदार दल समाजवादी र माओवादी एमसीसी अहिलेकै अवस्थामा पास गर्न नहुने बताइरहेका बेला काँग्रेस सभापति तथा प्रधानमन्त्री देउवाले एमसीसी हर हालतमा टेबल गराउने मनसायमा रहेका छन् ।

सत्ता गठबन्धनमा सहमति नजुटे प्रधानमन्त्री तथा कांग्रेस सभापति शेरबहादुर देउवाले गठबन्धन भत्काउने मनस्थिती बनाएका छन् । साथै उनले माओवादी केन्द्रका सभामुख अग्नि सापकोटालाई हटाउनेसम्मको तयारी गरेका छन् ।

आइतबारको सत्ता गठबन्धनको बैठकलाई देउवाले निर्णायक भनेका छन् । अनि माओवादी अध्यक्ष प्रचण्ड र नेकपा एकिकृत समाजवादीका अध्यक्ष माधव नेपालसँगको सत्ता सहयात्रामा पूर्णविराम लगाउने निर्णयमा पनि देउवा पुगेका छन् ।

यस्तै एमसीसी टेबल गर्न तयार नभए माओवादी केन्द्रका सबै मन्त्रीलाई तत्काल बर्खास्त गरेर सभामुख अग्नि सापकोटाविरुद्ध महाअभियोग प्रस्ताव दर्ता गर्ने तयारीमा बालुवाटार छ ।

‘एमसीसी टेबल गर्न सहमति नभए माओवादीकै मन्त्री बर्खास्त गर्ने, सभामुखविरुद्ध अविश्वास प्रस्ताव दर्ता हुने अवस्था आउन सक्छ,’ बालुवाटार स्रोतले  भन्यो, ‘माओवादीको ढुलमुले पारा अब चल्दैन । तत्कालै निर्णायक तहमा वार्ता टुंग्याएर एमसीसी आज जसरी पनि टेबल गरिन्छ ।’