तीन वटै चुनावको परिणाम नआउँदासम्म गठबन्धन कायमै रहन्छ : मन्त्री पौडेल

शिक्षा, विज्ञान तथा प्रविधि मन्त्री देवेन्द्र पौडेलले तीन वटै चुनावको परिणाम नआउँदासम्म गठबन्धन कायम रहने बताएका छन् ।

आइतबार प्रेस सेन्टर नेपाल बागलुङले आयोजना गरेको पत्रकार भेटघाट कार्यक्रममा बोल्दै मन्त्री पौडेलले गठबन्धनको नेतृत्वमा चुनाव गराउने प्रतिबद्धता जनाएको हुँदा स्थानीय, प्रदेश र केन्द्रको चुनावसम्मनै कायम रहने बताएका हुन।

स्थानीय तहको चुनाव जेठमै गर्ने समेत उनले जानकारी गराएका छन् । पौडेलले निर्वाचन आयोगले चुनावको तयारी गर्‍यो भने सरकार तयार भएको बताएका हुन ।

उहाँले एमसीसी यथास्थितीमा पास हुने अवस्था नरहेको भन्दै यस बारे गठबन्धनमा दुई वटा धारणा प्रस्ट भएको समेत बताएका छन्। मन्त्री पौडेलले एमसीसी र चुनाव एकै पटक नलैजाने भन्दै चुनाव सकिएपछि राष्ट्रिय सहमति कायम गरेर जानु पर्ने बताएका हुन् ।

उहाँले एमसीसी निकै विवादित भएको भन्दै सदन भित्र भएका सबै दलहरुसँग सहमति गरे अगाडी बढाईने समेत बताएका हुन ।