त्रिभुवन विश्वविद्यालयद्वारा सबै परीक्षा स्थगित

त्रिभुवन विश्वविद्यालयले पूर्वनिर्धारित सबै परीक्षा स्थगित गर्ने निर्णय गरेको छ।  परीक्षा नियन्त्रण कार्यालयले बिहीबार एक सूचना जारी गर्दै माघ ९ गतेदेखि अर्को सूचना प्रकाशित नभएसम्मका लागि सबै परीक्षा स्थगित गर्ने निर्णय गरेको हो।

कोरोना संक्रमण बढ्दै जाँदा त्रिविका परीक्षा नरोकिएको भन्दै चौतर्फी रुपमा परिक्षा स्थगित गर्न माग भएको थियो ।

पछिल्लो समय बढ्दै गएको कोरोना भाइरस महामारीका कारण परीक्षा सञ्चालन नगर्ने निर्णय भएको विश्वविद्यालय स्रोतको भनाइ छ ।  विश्वव्यापी फैलिएको कोरोना पछिल्लो समय तेस्रो लहरको रूपमा नेपालमा पनि दैनिक सङ्क्रमण दर बढ्दै गएको अवस्था छ ।

स्वास्थ्य मापदण्ड अपनाएर सञ्चालन गर्ने निर्णय गरे पनि दैनिक रूपमा सङ्क्रमित थपिँदै गएपछि सबै परीक्षा स्थगित गर्ने निर्णय  गरेको हो ।