अर्थतन्त्रमा तरलता समस्या तत्काल समाधान नभए अर्थतन्त्र स्लो डाउन हुन्छ : शेखर गोल्छा

नेपाल उद्योग वाणिज्य महासंघका अध्यक्ष शेखर गोल्छाले अर्थतन्त्रमा अहिले तरलताभन्दा ठूलो समस्या अरू नरहेको बताएका छन् । बैंक तथा वित्तिय संस्था परिसंघ नेपालको दोस्रो वार्षिक साधारणसभालाई सम्बोधन गर्दै उनले अहिलेको समस्या तरलता व्यवस्थापन र सोधनान्तर घाटा भए पनि तरलताभन्दा ठूलो समस्या अरू नरहेको बताए ।

यसमा कुनै एक निकाय मात्रै नभएर सबै निकाय जिम्मेवार रहेको बताए । “सबै निकायको कमजोरीका कारण तरलता अभाव भयो । सरकारले पुँजिगत खर्च गर्न सकेन,” उनले भने, “सरकार मात्रै नभएर राष्ट्र बैंक पनि दोषी छ । यस्तो बेला यति मौद्रिक नीतिमा  कन्जरभेटिभ एप्रोच लिन सकिन्छ कि सकिँदैन भन्ने सोच्नु पर्थ्यो  ।

ओभरहिट भएको अर्थतन्त्रलाई जोगाउन सिडि ल्याइएको होला तर यसले समस्या भयो । रेमिट्यान्स बैंकिङ च्यानलबाट नआएको अवस्था छ । जबसम्म बैंकिङ च्यानलबाट रेमिटान्स आउँदैन तबसम्म तरलता समस्या रहँछ ।”

राष्ट्र बैंकले अहिलेको अवस्था आउन सक्छ भनेर पूर्वानुमान गर्न नसकेको भन्दै उनले आलोचना गरे । तरलता समस्यामा निजी क्षेत्रको पनि कमजोरी रहेको उनको भनाइ छ । “आयात धेरै गरे भन्ने आरोप छ । उत्पादनमुलक क्षेत्रमा लगानी गरिएन भनिन्छ । तर, उद्योगमा  लगानी गर्न  कस्ट अफ डुइङ विजनेश धेरै छ,” उनले भने ।

अर्थतन्त्र ओभरहिट भएको अवस्थामा लगानीलाई प्राथमिकता दिन नसक्नु कमजोरी रहेको उनको भनाइ छ । उद्योगलाई चाहिने दीर्घकालीन लगाननी प्रतिवद्दता बैंकहरूले गर्ने अवस्था नरहेको उनले बताए ।

उनले यसमा उपभोक्ताको पनि कमजोरी रहेको बताए । उपभोक्ताले बचत नगर्नु र अति उपभोग्य प्रवृत्ति समस्या भएको उनको भनाइ छ ।

“तरलता समस्या समाधान सहज विषय छैन । तर, तरलता समस्या चाँडै समाधान भएन भने अर्थतन्त्र स्लो डाउन हुन्छ