एमालेको विरोधपछि राष्ट्रिय सभा बैठक कार्यसूचीमै प्रवेश नगरी स्थगित

नेकपा एमालेका सांसदहरुको विरोधपछि राष्ट्रिय सभा बैठक कार्यसूचीमै प्रवेश नगरी स्थगित भएको छ । सोमबारको बैठक सुरु भएलगत्तै एमालेका सांसदहरु आसनबाट उठेर उभिएर विरोध गरेका थिए ।

राष्ट्रिय सभा अध्यक्ष गणेश तिमिल्सिनाले सांसदहरुलाई आसन ग्रहण गर्न आग्रह गरेपनि उनीहरु नबसेपछि कार्यसुची हटाएको जानकारी गराउँदै बैठक स्थगित भएको घोषणा गरेका छन् । नेकपा एमालेले गत भदौ २३ यता लगातार संघीय संसदका दुवै सदन अवरोध गर्दै आएको छ ।

नेकपा एमाले पार्टीले निरन्तर संसद् अवरुद्ध गर्दै आएको छ । एमालेले पार्टीबाट हटाएका सांसदहरूलाई सभामुखले कारबाही नगरेको बताउँदै एमालेले संसद् अवरुद्ध गर्दै आएको हो । एमाले अध्यक्ष ओलीका अनुसार आफूले हटाएका सांसदलाई सभामुखले कारबाही गर्नुपर्ने नगरे सभामुखले राजीनामा गर्नु पर्ने बताउँदै आएका छन् ।

एमालेले कारबाही गरेका संसदहरुले नया दल दार्ता गरेर नेकपा समाजबादी पार्टी गठन गरेर एमालेबाट अलग भईसकेको अबस्था छ । समाजबादी दल गठबन्धन सरकारमा सामेल छ । एमाले कुनै पनि हालतमा गठबन्धन भत्काउने दाउमा छ ।