‘सभापति बन्न’ प्रकाशमानले सुरु गरे एलम्बर पार्टी प्यालेसमा सम्पर्क कार्यालय

नेपाली कांग्रेसमा सभापति शेरबहादुर देउवाको विकल्पमा साझा उमेदवारको खोजी जारी रहँदा पूर्वमहामन्त्री प्रकाशमान सिंहले सम्पर्क कार्यालय स्थापना गरेर प्रचार सुरु गर्न लागेका छन् ।

आज दिउँसो १ बजे सिंहकै निवास चाक्सीबारीमा सभापतिको साझा उमेदवार खोजी गर्न बैठक डाकिएको छ ।

सोमबार वरिष्ठ नेता रामचन्द्र पौडेल निवास बोहोराटारमा आफ्नो समूहमा साझा उमेदवार चयन गर्न नसके ‘स्वीङ भोट’ देउवातिर जाने र पुनः देउवा नै निर्वाचित हुँदा कांग्रेसप्रति नागरिक आशा समाप्त हुने निष्कर्ष निकालिएको थियो । तर, सिंहले भने पूर्वनिर्धारित कार्यातालिकाअनुसार काठमाडौंको ट्राफिक प्रहरी महाशाखानजिकै रहेको एलम्बर पार्टी प्यालेसमा सम्पर्क कार्यलय खोलेका छन् ।

मंगलबार बिहान काठमाडौं र ललितपुरका कांग्रेस सभापतिलाई दायाँ र बायाँ राखेर सिंहले सम्पर्क कार्यालयको उद्घाटन गरेका छन् ।