ओलीको मूर्खताका कारण सङ्घीयता खतरामा पर्‍यो : बाबुराम

जनता समाजवादी पार्टीका सङ्घीय परिषद् अध्यक्ष बाबुराम भट्टराईले एमाले अध्यक्ष ओलीको कारण सङ्घीयता खतरामा परेको टिप्पणी गरेका छन् । उनले भनेका छन् ओलीको कार्यशैलीकै कारण सङ्घीयता खतरामा छ ।

शनिवार जसपाको समाजवादी नेवा सङ्घले आयोजना गरेको अन्तरक्रिया कार्यक्रममा बोल्दै भट्टराईले सो टिप्पणी गरेका हुन । उनले राज्यको पुन संरचना जातीय आधारमा हुनुपर्ने समेत बताएका छन् ।

जातीय आधारमा पुन संरचना हुनु पर्ने अडान नछोड्ने समेत उनको दाबी छ । उनले भनेका छन् अहिले पुन संरचनाको विषय सांसदबाट अनुमोदन गराउन दुई तिहाई छैन । आगामी निर्वाचन पछि यो जातीय आधारमै राज्यको पुन संरचना हुनु पर्छ भन्ने तर्फ आफू लाग्ने समेत उनको भनाई थियो ।

ओलीले सङ्घीयता खतरामा पारेपछि गठबन्धन भएर एक जुट भएर आफूहरू लागेको समेत बताएका छन् ।