राप्रपाको एकता महाधिबेशन आजदेखि सुरु, चुनावी मैदानमा थापा र लिङ्देन

राष्ट्रिय प्रजातन्त्र पार्टी (राप्रपा) को एकताको महाधिबेशन आजदेखि काठमाडौंमा सुरु भएको छ ।

आजदेखि तीन दिन सम्म चल्ने उक्त एकता महाधिबेशनले पार्टीको नयाँ नेतृत्व चयन गर्नेछ । पार्टीको आगामी नयाँ कार्यकालका लागि अध्यक्ष पदमा वर्तमान अध्यक्ष कमल थापा र महामन्त्री राजेन्द्र लिङदेनले उम्मेदवारी घोषणा गरेका छन् ।

राप्रपाको संशोधित विधान अनुसार १ सय ९९ सदस्यीय केन्द्रीय समिति हुनेछ । विधान अनुसार ७५ प्रतिशत पदाधिकारी निर्वाचनबाट चुनिनेछन् ।

राप्रपामा यसअघि अध्यक्ष चयनका लागि मात्र निर्वाचन हुने गरेकोमा यसपटकबाट अध्यक्षसहित तीन उपाध्यक्ष र तीन महामन्त्रीसहित १४९ जना केन्द्रीय सदस्य चयनका लागि निर्वाचन हुन लागेको राप्रपाका नेता मोहन श्रेष्ठले जानकारी दिएका छन् ।