गगन थापाले महामन्त्रीमा हार्ने सङ्केत, हार्ने महामन्त्री नलड्ने मनसायमा पुगेको हल्ला…

नेपाली काँग्रेसका केन्द्रीय सदस्य युवाहरू माझ भाषणकलाका कारण लोकप्रियता कमाएका गगन थापा काँग्रेसको तेस्रो धार कृष्ण प्रसाद सिटौला निकट मानिँदै आएका थिए ।

गत महाधिवेशनमा सिटौला खेमाबाट महामन्त्री लडेर हारेका थिए । आसन्न महाधिवेशनमा पनि गगन थापाको गतिलो छाटकाट नभएको जनकारहरू बताउन थालेका छन् ।

आसन्न १४ औ महाधिवेशनमा समेत महामन्त्रीको उम्मेदवारी घोषण गरी सकेका गगन थापा सिटौला क्याम्पबाट भने बाहिरिएका छन् ।

अहिले गगन थापा वरिष्ठ नेता रामचन्द्र पौडेल खेमामा गएको चर्चा जति छ त्यति नै रमचन्द्र समूहमा समेत अटाउन नसक्ने चर्चा काँग्रेसीहरूमा सुरु भएको छ ।

काठमाण्डौ क्षेत्र नम्बर ४ का सांसद थापा काठमाण्डौमा काँग्रेस पूर्व महामन्त्री प्रकाशमान सिंहको पकड बलियो देखेपछि अहिले प्रकाशमान सँग महाधिवेशनमा तालमेल गरेका छन् ।

प्रकाशमान सभापतिमा लड्ने तयारी मा छन् । वरिष्ठ नेता रामचन्द्र पौडेल पनि सभापतिमा लड्ने बताई रहेका बेला पौडेल समुह दुई टुक्रा हुने देखिएको छ ।

अहिले प्रकाशमान निकट देखिए पनि स्वयम प्रकाशमानले गगन आई आफ्नो समूहमा स्विकारी नसकेको जानकारहरू बताउँछन् । यदि प्रकाशमानकै समूह बाट महामन्त्री गगन लडे भने पनि गत १३ औ महाधिवेशनकै जस्तो मत आउने र गगन थापा महामन्त्रीमा हार्ने जनकारहरू बताउँछन् ।

देउवा खेमामा पस्ने गगनको दाउ पनि देउवा खेमामा धेरै नेताहरू महामन्त्रीका आकाङ्क्षी भए सँगै पुरा हुने देखिँदैन । रामचन्द्र र प्रकाशमान दुवै सभापति लडे भने झनै गगनको महामन्त्री बन्ने सपना सकिने जनाकारहरू बताउँछन् ।

१३ औ महाधिवेशन सिटौलाले गगनलाई महामन्त्री हारे पनी मन्त्री बनाएका थिए । तर अहिले थापाले सिटौलालाई एकाएक छोडेर अवसर को खोजीमा रामचन्द्र पौडेल क्याम्पमा आए पछि नेता सिटौला रुष्ट बनेका छन् ।

गगन लाई आसन्न १४ महाधिवेशनमा महामन्त्री जित्न मुस्किल पर्ने काँग्रेस वृत्तमै चर्चा हुन थालेको छ । उनी जित्छन् या हार्छन् महाधिवेशनको नतिजा लेनै थाहा पईने भए पनि अहिले गगन थापाको जित सुनिश्चित भने छैन ।