चाबहिलमा बेलुकी छुरा हान्ने पक्राउ

काठमाडौं । चाबहिलमा असार १६ गते बेलुकी २ जनालाई छुरा हान्ने पक्राउ परेका छन् ।

भक्तपुर जगाती बस्ने ओखलढुंगाका २८ वर्षीय ज्याक भन्ने विजय बानियाँ र काठमाडौं महानगरपालिका ९ रातोपुल वस्ने २१ वर्षीय सुदिप घिमिरेलाई छुरा प्रहार गर्ने ४ जनालाई प्रहरीले शुक्रबार पक्राउ गरेको हो ।

काठमाडौं कपन बस्ने उदयपुर गाईघटका २४ वर्षीय असिम लामा, कपन बस्ने उदयपुर गाईघाटका २४ वर्षीय सरोज श्रेष्ठ, काठमाडौं धुम्बाराही बस्ने भारत दार्जलिङका २१ वर्षीय सरोज राई र काठमाडौं नार्गाजुन बस्ने कास्की रामनगरका २१ वर्षीय निश्चल आले मगर पक्राउ परेका हुन् ।  उनीहरुले बानियाँ र घिमिरेलाई छुरा प्रहार घाइते बताएका थिए ।

प्रहरी परिसर काठमाडौं र महानगरीय प्रहरी वृत्त गौशालाबाट संयुक्त रुपमा खटिएको टोलीले उनीहरुलाई घटनामा प्रयोग गरेको छुरासहित पक्राउ गरेको प्रहरीले जनाएको छ ।