केपी ओलीको पार्टीलाई सुदूरपश्चिममा जिरो डिग्रीमा पुर्‍याउँछौँ : मन्त्री आले

सस्कृति पर्यटन तथा नागरिक उड्यन मन्त्री प्रेम आलेले केपी ओलीको पार्टीलाई सुदूरपश्चिममा जिरो डिग्रीमा पुर्‍याउने बताएका छन् ।

कञ्चनपुरमा आयोजित नेकपा (एकीकृत समाजवादी)को विस्तारित बैठकमा सम्बोधन गर्दै आलेले यस्तो बताएका हुन् ।

पाँच दल बनेर बनेको गठबन्धनलाई कुनै हालतमा टुट्न दिनु हुदैन्, उनले भने, केपी ओलीलाई सुदूरपश्चिममा जिरो बनाउने उनको भनाई थियो । ओलीको पार्टीलाई सुदूरपश्चिममा जिरो डिग्री सेल्सियसमा पुर्‍याउनुपर्छ।,

यस्तै उनले एमालेभित्र पकेटमारले प्रवेश पाएको बताएका छन्। माधव कमरेडले बनाएको घरमा पकेटमार छिरेको छ । एउटा पकेटमारका कारणले कम्युनिस्ट आन्दोलन धराशायी अवस्थामा पुगेको छ, भन्दै ओली प्रति उनी खनिएका हुन ।