भ्रष्टाचारीलाई जनकारबाही गर्नु पर्‍यो भनेर मलाई फोन आइरहेको छ, यसमा हामीलाई गर्व छ : सिके राउत

जनमत पार्टीका अध्यक्ष डा सिके राउतले भ्रष्टाचारीलाई जनकारबाही गर्नुपर्यो भनेर मुलुकका विभिन्न ठाउँबाट फोन आइरहेको र यसमा आफू र आफ्नो पार्टीलाई गर्व रहेको बताएका छन् ।

राउतले आफूहरूले हिंसात्मक गतिविधि नगरेको समेत बताएका छन् । उनले राज्यले आफ्ना मान्छेहरुलाई अन्याय गर्दा समेत अफु हरुले त्यसको बदला फुल दिएको समेत बताएका छन् ।

उनले भने राज्यले हाम्रो मान्छेलाई समातेर हिरासतभित्र हत्या गरेको हो । हामीले त बदलामा फूल दिएका थियौँ ।’

हिजो राति प्राइम टिभीबाट प्रसारण भएको जनता जान्न चाहन्छन् कार्यक्रममा उनले जनकपुरमा खानेपानीका प्रमुखमाथि जनकारबाही गरेको स्पष्ट पारेका छन् ।

आफूहरूले कानुन हातमा नलिएको उनको भनाई छ । उनले अहिले आफूलाई हिमाल र पहाडबाट यता पनि आउनुपर्‍यो र भ्रष्टाचारीलाई जनकारबाही गर्नुपर्छ भनेर फोन आएको सुनाए ।

उनले आफूहरू न्यायको पक्षमा उभिँदै आएको स्मरण गराए । जनकपुरमा जागेश्वर कुशवाहले करोडौँ करोड भ्रष्टाचार गरेको उनको दाबी छ ।