जेठान प्रकरणमा नमज्जा सँग फसे प्रधानन्यायाधीश, सर्वोच्चमा मडारियो राजनीति

जेठानलाई मन्त्री बनाएको  विषयमा नमज्जाले मुछिएका प्रधानन्यायाधीश चोलेन्द्र शमशेर जबराको भूमिका विवादमा परे सँगै सर्वोच्च अदालतमा राजनीति मडारिएको अभास आम सर्वसाधारणले गर्न थालेका छन् ।

राजनीतिक भागबन्डा खोजेको आरोपमा नैतिक प्रश्नले बेरिएका राणालाई राजीनामा दिएर मार्ग प्रशस्त गर्न चौतर्फी दबाब बढिरहेको छ ।

नेपाल बार एसोसिएसनले पनि प्रधानन्यायाधीश चोलेन्द्रको राजीनामा गरेर मार्ग प्रशस्त गर्नु पर्ने सङ्केत गरिसकेको छ । प्रधानन्यायाधीशका कारण न्याय प्रणालीमानै राजनीति मडारिएको स्पष्टै जनताले महसुस गर्न थालेका छन् ।

बारले औपचारिक रूपमै राणाको राजीनामा मागे पछि यो विषय झनै पेचिलो बनेको छ । यता सर्वोच्चका १४ जना न्यायाधिश हरुले पनि राणाले मार्ग प्रशस्त गर्नु पर्ने सङ्केत  सहित आजको इजलास बस्न नसक्नुले झनै प्रधानन्यायाधीश नैतिक सङ्कटमा परेका छन् ।