भारतमा नेपाल र नेपाली लाई नोकरको दर्जा दिइन्छ : बाबुराम

पूर्व प्रधानमन्त्री एवं जनता समाजवादी पार्टी जसपाका सङ्घीय परिषद् अध्यक्ष डा बाबुराम भट्टराईले भारतमा  नेपाल र नेपाली लाई नोकरको दर्जा दिइने बताएका छन् ।

सामाजिक सञ्जाल ट्विटरमा आफ्नू धारणा सार्वजनिक गर्दै भट्टराईले भारतमा नेपालीलाई हेप्ने व्यवहार आफैले भोगेको समेत बताउँदै आफू क्रान्तिमा होमिनुमा भारतीय व्यवहार रहेको समेत खुलाएका हुन ।

उनले भनेका छन् राजदूत @RanjitRae ​(रञ्जित रे) ले भनेझैं भारतमा नेपाल/नेपालीबारे कस्तो आम बुझाइ छ भन्ने म आफैंले प्रत्यक्ष भोगेको छु– चण्डिगढमा पढ्न जाँदा त्यहाँका प्रिन्सिपलले मसँग पहिलो भेटमा ‘Where is Nepal?’ (नेपाल कहाँ छ?) भनेको’, बुधबार बिहान डा. भट्टराईले भनेका छन्, ‘ठूलाबडाको घरमा जाँदा ‘My servant is also from Nepal’ (मेरो नोकर पनि नेपालकै हो) भनेको आदि कारणले पनि म क्रान्तिमा लागेको हुँ।’

राजदूत@RanjitRaeले भनेझैं भारतमा नेपाल/नेपालीबारे कस्तो आम बुझाइ छ भन्ने म आफैले प्रत्यक्ष भोगेको छु-चंडीगढमा पढ्न जाॅदा त्यहाॅका प्रिन्सिपलले मसंग पहिलो भेटमा ‘Where is Nepal?’भनेको,ठूलाबडाको घरमा जाॅदा ‘My servant is also from Nepal’भनेको आदि कारणले पनि म क्रान्तिमा लागेको हुॅ! https://t.co/jbxobsoITd

— Baburam Bhattarai (@brb1954) October 6, 2021