माओवादी केन्द्रको विद्यार्थी सङ्गठनको गुरिल्ला शैली, बिथोलियो घोषणा सभा भयो हानाहान !

अनेरास्ववियु क्रान्तिकारीले गुरिल्ला शैली देखाएको छ । पदाधिकारी र केन्द्रीय कमिटी घोषणालाई लिएर नेकपा माओवादी केन्द्रको भ्रातृ सङ्गठन अनेरास्ववियु क्रान्तिकारीको घोषणा सभा बिथोलिएको हो ।

विवादकै कारण घोषणा सभा हलमा कुर्सी तोडफोड भएको छ।

राष्ट्रिय सम्मेलनबाट १ सय ९९ सय सदस्यिय केन्द्रीय कमिटी र २५ सदस्यीय पदाधिकारी चयन गर्ने विधान पारित गरेको थियो। तर सहमतिका लागि भन्दै तीन सय भन्दा बढी सदस्यीय केन्द्रीय कमिटी र ५५ सदस्यिय पदाधिकारी राख्न खोजेपछि विवाद बढेको हो।

विवाद बढेपछि अध्यक्ष मात्रै घोषणा गर्ने तयारी थियो। सिंगो कमिटी घोषणा गर्नुपर्ने मागसहित केही हल्ला र नाराबाजी भएको अखिल क्रान्तिकारीका निवर्तमान उपाध्यक्ष रविकिरण यादवले बताए।

हलमै तोडफोड भएको भन्ने हल्ला गलत रहेको उनको दाबी छ। तोडफोड र हानाहान नै भयो भन्ने हल्ला निराधार रहेको समेत उनले बताएका छन् ।

असोज १४ गतेबाट ३ दिनका लागि सुरू भएको २२ औं राष्ट्रिय सम्मेलनमा पार्टी अध्यक्ष पुष्पकमल दाहाल प्रचण्डले हस्तक्षेप गरेका थिए।

प्रचण्डकै निर्देशनमा पञ्चा सिंह क्रान्तिकारीको अध्यक्ष बनेकी छन्।