षड्यन्त्र पूर्वक भ्रष्टाचारको आरोप लाउने अनि मैलै राजीनामा दिनु पर्ने ? यो सम्भव छैन : मुख्यमन्त्री राउत

षड्यन्त्र पूर्वक भ्रष्टाचारको आरोप लगाउने प्रयास गरेको भन्दै प्रदेश नम्बर २ का मूल्य मन्त्री लालबाबु राउतले यो प्रकरणमा राजीनामा नदिने बताएका छन् ।

अख्तियार दुरुपयोग अनुसन्धान आयागले ‘मुख्यमन्त्री बेटी पढाऊँ, बेटी बचाऊँ’ कार्यक्रम अन्तर्गत साइकल खरिदमा अनियमितता भएको फाइल नियन्त्रण लिँदाको प्रक्रिया र प्रस्तुति गलत भएको उनको दाबी छ । अख्तियारले मुख्यमन्त्रीको कार्यालयमा छापा मार्ने शैली नमिलेको उनको दाबी थियो ।

“मुख्यमन्त्री बेटी पढाऊँ, बेटी बचाऊँ कार्यक्रम मुलुककै गौरवको योजना हो । हामीले ई–बिडिङबाट विधि, प्रक्रिया र खरिद ऐनलाई टेकेर काम गरेका छौं ।

तर अख्यितारले जुन किसिमले मिडियाबाजी गरेर छापा मार्यो, त्यसले हामीलाई भ्रष्टाचारी भनेर बदनाम गर्ने दुस्प्रयास गरिएको छ ।” भ्रष्टाचार भएको भए कारबाही गरे भयो । आफूहरूले सबै नियम कानुन टेकेर नै काम गरेको बताउँदै उनले सङ्घीयता विरोधी तत्त्वहरूले आफ्नो बदनाम गर्न खोजेको उनको दाबी थियो ।

भ्रष्टाचारको विरुद्धमा आफै लडेको बताउँदै मुख्यमन्त्री राउतले यो प्रकरणमा आफूले राजीनामा नदिने समेत प्रष्ट पारेका छन् ।