संसद् भवन भित्र एमाले सांसदले थाले उपद्रो, चर्को नाराबाजी गर्दै बैठक अवरोध !

नेकपा एमालेका सांसदहरुले प्रतिनिधिसभाको बैठकमा नाराबाजी सुरु गरेका छन् । गत शुक्रवार भएको बैठकमा एमाले संसदहरुले मर्यादा पालकलाई टोकेको चिथोरेको सम्म घटना बाहिर आएको थियो । तर आजको बैठकमा भने चर्को नाराबाजी मात्रै सुनिएको छ ।

सभामुख अग्निप्रसाद सापकोटाले बैठकको काम कारवाही सुरु भएको बताउने बित्तिकै एमाले संसदहरुले सभामुखको आसन अगाडि पुगेर नाराबाजी थालेका हुन् ।

शुक्रबारको बैठकमा एमाले सांसदहरु मर्यादापालकको काँधमा चढ्ने, माइक तान्ने लगायतका क्रियाकलाप गरेपनि आजको बैठकमा भने संयमित हुने भएका छन् ।

प्रतिनिधिसभा बैठक अघि बसेको एमाले संसदीय दलको बैठकमा सो दलका संसदीय दलका नेता केपी शर्माओलीले बैठकमा संयमित हुन निर्देशन दिएका थिए । उनले निश्चित र मर्यादित नारा लगाउन मात्र निर्देशन दिएका थिए ।