एमालेले संसद् चल्न आज पनि नदिने, मुठभेडको अवस्था आउन सक्ने !

संसद् बैठक आज दिउँसो बस्ने कार्य तालीका छ । बैठकको सम्भावित कार्यक्रम समेत सार्बजनिक भइसकेको अवस्था छ। शुक्रवार प्रमुख प्रतिपक्षी नेकपा एमालेको विरोधबिच सरकारले प्रतिस्थापन विधेयक प्रस्तुत गरेको थियो । अवरोधका बिच शुक्रवार पेलेरै सभामुखले संसद् बैठक अगाडि बढाएका थिए । अज पनि  संसदमा मुठभेडको अवस्था आउने आकलन गरिएको छ। शुक्रवार पनि संसदमा अवरोध र तनावको अवस्था बनेको थियो ।

एमालेले आजको संसद बैठकमा पनि अवरोध गर्ने निर्णय लिइसकेको छ । कठोर कदम चाल्ने गरी एमालेले निर्णय लिएको संकेत गरिसेको छ ।

गत बुधबारदेखि सुरु भएको नवौं अधिवेशनमा प्रमुख प्रतिपक्षी दल एमालेले निरन्तर सदन अवरोध गर्दै आएको छ । शुक्रबार एमालेको विरोधकै बीच अर्थमन्त्री जनार्दन शर्माले प्रतिस्थापन विधेयक प्रस्तुत गरेका थिए ।

आजको बैठकमा सपथसम्बन्धी अध्यादेश २०७८, सामाजिक सुरक्षासम्बन्धी अध्यादेश, तेजाब तथा अन्य घातक रासायनिक पदार्थ (नियमन) अध्यादेश, राष्ट्र ऋण उठाउने अध्यादेश, विनियोजन अध्यादेशलगायत स्वीकृत गरियोस् भनी प्रस्ताव प्रस्तुत गर्ने सम्भावित कार्यसूची छ ।

एमालेले सभामुख अग्नि सापकोटाको भूमिकालाई लिएर एमालेले विरोध गरेको छ ।