१० बुँदे सहमति कार्यान्वयन जस्ताको तस्तै हुँदैन, जेठ २ पनि फर्किएर आउँदैन : पोखरेल

एमाले महासचिव ईश्वर पोखरेलले २०७५ जेठ २ जस्ताको त्यस्तै दोहोरिए नआउने टिप्पणी गरेका छन्। माधव नेपाललाइ लात मारेर एमालेमा बसेका नेताहरुले जेठ २ अनुसार १० बुँदे सहमति कार्यन्वयनको कुरा गरिरहेका बेला महासचिव पोखरेलले जस्ताको त्यस्तै कुनै हालतमा नहुने बताएका छन् ।

एमालेले आयोजना गरेको काभ्रे जिल्ला कार्यकर्ता भेलालाई सम्बोधन गर्दै महासचिव पोखरेलले जेठ २ गतेलाई आधारभूमत रुपमा हेक्का राखेर एकताको मर्म अनुसार पार्टी अगाडि बढ्ने बताए ।

महासचिव पोखरेलले भने जेठ २ जस्ताको त्यस्तै हुँदैन,फेरि दोहोरिए आउँदैन । हामी कानूनी हिसाबले एमाल भयौं तर जेठ २ भनेर बस्दा एकताको मर्म विपरित हुन्छ । आधारमूत रुपमा एकताको भावनालाई आत्मसात गरेर जेठ २ मा जाने कुरा हो ।

महासचिव पोखरेलले सांसद पद त्यागेर एकताको प्रक्रियामा उभिएका पूर्व माओवादी नेताहरुलाई कमजोर बनाउने वा हतोत्साही गराउने कुरा कुनै पनि हालतमा नहुने भन्दै उनले अहिलेको एमाले जेठ २ अघिको नभएको समेत प्रष्ट पारे ।