माधव नेपालको नयाँ अध्याय, समाजवादीका नेताहरु पर्यटक बस चढेर निर्वाचन आयोगमा

लामो समय एमालेको नेतृत्व गरेका नेकपा एमालेका वरिष्ठ नेताको आजबाट नयाँ अध्याय सुरु हुनेछ । एमाले बाट अलग भएर नयाँ पार्टी दर्ता गरे सँगै आयोगले सनाखतका लागि अज माधव नेपाल सहित नेताहरूलाई बोलाएको हो ।

दल दर्ताका लागि निवेदन दिएका नेकपा (एकीकृत समाजवादी) का संयोजक नेपालसहितका नेताहरु निर्वाचन आयोग पुगेका छन् । नेता नेपाल आयोगमा सवैभन्दा पहिला पुगेका हुन् ।

त्यसपछि रामकुमारी झाँक्री, प्रेम आले, किसन श्रेष्ठ लगायतका नेताहरु आयोग पुगेका हुन् । नेकपा एकीकृत समाजवादीका नेताहरु चन्द्रागिरिबाट पर्यटक बस चढेर सोझै निर्वाचन आयोग पुगेका थिए ।

निर्वाचन आयोगले दिएको समय अनुसार नेताहरू दल दर्ताका लागि सनाखत गर्न ११ बजेपछि आयोग पुगेका हुन् । आयोगले सनाखतका लागि बिहान ११ देखि २ बजेसम्मको समय दिएको छ ।

नेकपा एमालेबाट विभाजन भएर नेकपा एकीकृत समाजवादी पार्टी र जसपाबाट विभाजन भएर लोकतान्त्रिक समाजवादी पार्टी गठन भएका थिए । दुवै दललाई आज आयोगले सनाखतका लागि बोलाएको हो ।