माधवको पार्टीमा मार्क्स–लेनिन पार्टीका कुलगुरु, कुलगुरुकै मार्गदर्शक सिद्धान्तमा हिँड्ने !

एमालेबाट विभाजित भएर बनेको नेकपा एकीकृत समाजवादी पार्टीले घोषणापत्र तयार गरेको छ । मार्क्स–लेनिन पार्टीका कुलगुरु, उनिहरुकै मार्गदर्शक सिद्धान्तमा हिँड्ने निचोड सहितको घोषणापत्र तयार पारिएको हो ।

निर्वाचन आयोगले सनाखतका लागि बोलाएपछि हाल चन्द्रगिरीमा एकीकृत भएर बसेको माधव कुमार नेपाल नेतृत्वको सो पार्टीले तयार गरेको घोषणापत्रमा पार्टीको मार्गदर्शक सिद्धान्त मार्क्सवाद–लेनिनवाद तय गरेको छ ।

मार्क्सवाद–लेनिनवाद क्रान्तिकारी चरित्रको वैधानिक विश्वदृष्टिकोण र श्रमजिवी वर्गको मुक्ति एवम् समाज परिवर्तनको मार्गदर्शक सिद्धान्त भएको घोषणापत्रमा उल्लेख गरिएको छ ।

चन्दागिरीमा पार्टीका नेता कार्यकर्तालाई मंगलबार नै घोषणापत्रसहित पार्टीको विधानसमेत वितरण गरिएको छ । घोषणापत्रमा मार्क्सवाद नै गतिशील वैज्ञानिक सिद्धान्त भएको जिकिर गरिएको छ ।