तेस्रो धारका नेताहरूको अल्टिमेटम घुर्की मात्रै भएको प्रमाणित, स्थायी कमिटी बैठकमा सहभागी हुने

नेकपा एमालेले भोलि स्थायी कमिटीको बैठक बोलाएको छ । यो बैठकमा माधवकुमार नेपाल समूहसँग रहेका, तर उनको पार्टीमा नगएका नेताहरु पनि सहभागी हुने प्रवक्ता प्रदीप ज्ञवालीले जानकारी दिए ।

नेपाल समूहसँग रहेका, तर नेकपा एकीकृत समाजवादीमा नगएका भीम रावल, घनश्याम भुसाल, गोकर्ण विष्टलगायतका नेताहरुले १० बुँदे सहमति अक्षरस कार्यान्वयन गर्न नेतृत्वलाई सोमबारसम्मको अल्टिमेटम दिएका थिए । उनीहरु सोमबार विहान पार्टी अध्यक्ष केपी शर्मा ओलीलाई भेट्न उनको निवास बालकोट पुगेका थिए ।

एक ओली पक्षका नेताका अनुसार भोलिको स्थायी कमिटी  बैठकमा नआए उहाँहरूले घुर्की मात्रै ओलीलाई लाएको ठहरिने बताएका छन् । उनी भन्छन्, पार्टीको काममा नफर्कने अनि अल्टिमेटम दिने त्यो भनेको कहीँ नभएको जात्रा हाडि गाउँमा  मात्रै हो ।