स्वास्थ्यमा  बेथितिको पराकाष्ठा : कोरोना उपचार गर्ने क्लिनिकमै छैन थर्मोमिटर

कोरोना संक्रमितको उपचार गर्ने अस्पतालमा ज्वरो नाप्ने उपकरण छैन भन्दा पत्याउनु हुन्न होला तर त्यस्तै भएको छ नेपालका ७ प्रतिशत अस्पतालमा थर्मोमिटर छैन ।
महालेखाको प्रतिवेदन अनुसार कोरोना संक्रमितको उपचार गर्ने ७ प्रतिशत अस्पतालमा ज्वरो नाप्ने उपकरण थर्मोमिटर नराखेको पाइएको छ ।

कोभिड(१९ बिरामीलाई उपचार गर्न अन्तिरिम निर्देशिका २०७७ अनुसार कोभिड क्लिनिकले संक्रमितको उपचार गर्न आवश्यक व्यवास्थापन गरेर मात्र उपचार गराउनु पर्ने व्यवस्था छ ।

स्वास्थ्य अनुसन्धान परिषद्ले ९५ वटा कोभिड(१९ क्लिनिकको सर्वेक्षण गर्दा ७ प्रतिशत अस्पतालमा ज्वरो नाप्ने थर्मोमिटर नभेटेको हो ।

२०२० को अप्रिल २६ देखि २७ मेसम्म गरेको सर्वेक्षणमा ४१ प्रतिशत अस्पतालमा कोभिड(१९ संक्रमण रोकथाम टिम परिचालन नगरेको प्रतिवेदनमा उल्लेख छ ।

यस्तै ८३ प्रतिशत अस्पतालले पहिलेकै संरचनाबाट कोरोना सम्बन्धि सुविधा उपलब्ध गराएको पाइएको प्रतिवेदनमा उल्लेख छ ।