हिसिलालाई मन्त्री नबनाए उपेन्द्रलाई सरकारमा पार्टीको नेतृत्व गर्न नदिने रणनीतिमा बाबुराम

प्रतिगमन भन्दै  कुनै समय उपेन्द्रलाई शरण दिएका महन्थ ठाकुरसँग नै धोका धडी गरेर पार्टी हत्याएका उपेन्द्र यादव जसपामा पुर्ब प्रधानमन्त्री बाबुराम भट्टराईको रणनीतिमा फसेको जनकारहरू बताउँछन्। महन्थलाई धोका दिएर सत्तामै सहभागी हुने विषयले हत्याएको पार्टी जसपा भित्र उपेन्द्र यादव अफ्ठेरोमा परेका हुन् ।

पार्टीको नेतृत्व उपेन्द्रले उपप्रधानमन्त्रीका रुपमा गर्न खोजेका छन् । अर्कोतिर संघीय परिषद अध्यक्ष बाबुराम भट्टराई सरकारमा आफ्नो समूहको पनि प्रतिनिधित्व चाहन्छन् ।

बाबुराम भट्टराई उपेन्द्र यादबलाई भन्दा पनि राजेन्द्र श्रेष्ठ वा महेन्द्रराय यादवलाई पार्टीको नेतृत्व गरेर सरकारमा पठाउन चाहन्छन् । किनभने पटक पटक उपेन्द्रमात्रै सरकारमा गएकाले नयाँको पालो आउनुपर्ने बाबुरामको मत छ । जुन उपेन्द्रले सत्ताका लागि आफूलाई जोगाउने महन्थलाई घात गरे आज तिनै उपेन्द्रका लागि बाबुराम चुनौती बनेर आएको जानकारहरुको भनाई छ ।

बाबुरामले आफ्नो समूहबाट पत्नी हिसिला यमी वा गंगानारायण श्रेष्ठमध्य एक जनालाई मन्त्री बनाउन प्रस्ताव गरेका छन् । तर उपेन्द्रले आफ्नो पक्षबाट मात्र मन्त्री बनाउनेगरी एकलौटी गर्न खोजेपछि बाबुराम समूह विद्रोहमा उत्रिएको हो । सरकारमा आफूले चाहेका मन्त्री बनाउन नमाने उपेन्द्रलाई सरकारमा पार्टीको नेतृत्व गर्न नदिने रणनीति बाबुराम समूहको छ ।