आफ्नै कार्यशैली र अहंकारका कारण ओलीको समृद्धिको महत्वाकाङ्क्षा माटोको हाँडी झैँ फुट्यो

आफूले आफ्नो विकल्प नदेखेका निवर्तमान प्रधानमन्त्री केपी शर्मा ओली को सत्ता बहिर्गमन भए सँगै सुखी नेपाली समृद्ध नेपालको नारा पनि सँग सँगै गएको छ ।

आफ्नू विकल्प आफै मात्र हुँ भन्ने शैलीले संविधानको सबै धाराबाट आफू मात्र सरकार चलाउने केपी शर्मा ओलीको महत्त्वाकाङ्क्षा माटोको हाँडी झैँ फुटेको स्पष्ट देखियो  ।

स्वयम ओलीको  कार्यशैली र काम गराइमा विकल्पै नेदेखि गरिएको अहङ्कारका कारण हुँदा खाँदाको प्रधानमन्त्री पद  नमज्जाले ढल्यो ।

‘सुखी नेपाली र समृद्ध नेपाल’ को नारा कार्यान्वयन गरेर इतिहास बनाउने सुनौलो अवसर हेर्दा हेर्दै खेर गयो । पहिलो पटक प्रधानमन्त्री हुँदा बनाएको छवि दोस्रो पटक प्रधानमन्त्रीको हुँदाको कार्यशैली र दम्भले सखाप भयो ।

ओलीको दम्भले मुद्दा अदालत सम्म पुग्यो । परमादेशबाट देउवालाई प्रधानमन्त्रीको ‘चिट्ठा पर्‍यो ।  प्रतिपक्षमा बस्ने जनादेश पाएका देउवा अदालतले पारी दिएको चिट्ठा पाएर गद्‌गद् देखिन्छन  तर आम जनताका लागि ओली जानु र देउवा आउनु बादरका हातमा नरिवल जस्तै हुने हो की भन्ने चिन्ता छ ।