गगन थापालाई सभापतीमा जिताउन अमेरिकाले किन लगाउदैँछ न्वारनदेखिको बल ?

नेपाली कांग्रेसका नेता गगन थापा १४ औँ महाधिवेशनमा पार्टी सभापतिमा उम्मेदवारी दिने भएका छन् । उनलाई जिताउन भारत र अमेरिका न्वारनदेखिको बल लगाएर लागिरहेका छन् ।

बुढा नेताहरुबाट खासै उपलब्धी नभएको भन्दै छिमेकी भारत र मित्र राष्ट्र अमेरिकाले रणनीतिक रुपमा चाल चालेका छन् । उनलाई सभापति बनाउन अमेरिकी जाजुसी संस्था सीआईए नेपाल आइसकेको छ । श्रोतका अनुसार उक्त टोलीले विभिन्न जिल्लाका जिल्ला सभापतिहरुलाई भेट्दै गगनको पक्षमा माहोल बनाउन लागिपरेको छ ।

कांग्रेसभित्र सुरा सुन्दरीदेखि ठूलो मात्रामा आर्थिक चलखेल हुने सुइको पाएको सीआइएले त्यही विधि प्रयोग गर्दै जिल्ला सभापति, ठूला स्थानीय तहका सभापति तथा प्रदेशका सांसदहरुलाई भेटेर थापालाई पार्टी सभापति बनाउन सहयोग मागिरहेका छन् । ‘आर्थिकको समस्या नलिनुहोस् । काठमाडौँमा एउटा घर पक्का छ, जिल्लामा माहोल बनाउनुहोस् ।’

सीआईए टोलीको भनाई उदृढ गर्दै एक जिल्ला सभापतिले भने, ‘यो पटक हार्नलाई भएपनि गगनको पक्षमा माहोल बनाउने हो । अर्को पटक जित पक्का हुन्छ ।’ उक्त टोलीमा अमेरिकी विदेशमन्त्री एन्टोनी ब्लिंकेनसमेत आएका थिए । उनले भारतमा नेपाली कांग्रेसका उपसभापति विमलेन्द्र निधिलाई भेटेर गगनको पक्षमा माहोल बनाउने भनेका थिए ।

‘ब्लिंकेनको निम्तोमा निधि भारतसम्म पुगेका हुन् ।’ नेपाली कांग्रेस उच्च श्रोतले भन्यो, ‘भारतलाई पनि सहमत गराउन पर्ने भएकाले मन्त्री ब्लिंकेन, निधि र भारतीय गुप्तचर संस्था ‘र’का नेपाल प्रमुखबीच भेटवार्ता भएको थियो ।’

भेटमा विशेषगरी गगन थापालाई पार्टी सभापति बनाउन माहोल बनाउने, एमसीसी जस्ताको तस्तै पास गर्ने र नेपालको चुच्च नक्साका विषयमा थप केही निर्णय नलिने विषयमा छलफल भएको थियो । मोटिभेट न्यूजलाई प्राप्त गोप्य सूचना अनुसार आगामी निर्वाचन पश्चात निधिलाई प्रधानमन्त्री बनाउने गरी सहमति भएको छ ।

‘गगनलाई पार्टीको नेतृत्व दिएर पाँच बर्ष पार्टीलाई व्यवस्थीत गर्ने र निधिले सरकारको नेतृत्व गरेर एमसीसी कायान्वयन गर्ने विषयमा सहमति भएको छ ।’ गोप्य श्रोतले भन्यो, ‘गगनले हार्ने स्थिति आएको खण्डमा ब्याक गराएर निधिलाई सभापतिमा उठाउने सम्भावना पनि रहेको छ ।’-मोटिभेटन्यूज डटकमबाट