एसईईको नतिजा नआइ ११ मा, १२ को परीक्षा नभइ स्नातक तहमा भर्ना !

निजी तथा सामुदायिक विद्यालय, कलेजहरुले एसईईको नतिजा नआउँदै कक्षा ११ मा र १२ को परीक्षा नै नभइ स्नातक तहमा धमाधम भर्ना लिन शुरु गरेका समाचार बाहिर आएका छन् ।

परीक्षा बोर्डले एसईईको नतिजा साउन मसान्तभित्र १२ को परीक्षा साउन ३१ गतेदेखि हुने भएको छ । तर यता माध्यामिक तहसम्म सञ्चालन गरिरहेका विद्यालय एवं कक्षा ११ देखि माथिका कक्षाहरु चलाउँदै आइरहेका कलेजहरुले भने कक्षा ११ र स्नातक तहमा भर्ना लिन थालेका छन् ।

कक्षा ११ मा प्रि एडमिसन नाम दिएर भर्ना शुरु गरेको पाइन्छ । स्नातक तहमा भने एडमिसन भनेर बीबीए, बीएचम, बीबीएस लगायतको संकायमा भर्ना शुरु गरेको पाइन्छ । उपत्यकाका अधिकांश माध्यामिक विद्यालय, कलेजहरुले भर्ना खुला गरिएको सूचना आफ्ना वेबसाइटहरुमा राखेको देख्न सकिन्छ ।

एसईईको नतिजा नआइ भर्ना लिन थालेको काठमाडौं महानगरको शिक्षा शाखामा गुनासो आएपछि नतिजा नआइ भर्ना नलिन सूचना जारी समेत गरिएको अबस्था छ ।