प्याट्रिक सिकले गरे रोनाल्डोसंग गोल बराबर, कसले जित्ला ‘गोल्डेन बुट’ ?

चेकरिपब्लिकका स्टार प्याट्रिक सिक युइएफए युरो २०२० को गोल्डेन बुट पाउने प्रबल दाबेदार बनेका छन् । सिकले डेनमार्कबिरुद्ध एक गोल गर्दै गोल संख्या पाँच पुर्याएका छन् । पाँच गाेल पुगेसंगै गोल्डेन बुटको प्रबल दोबदारको सूचीमा पुगेका हुन् ।

उनले पोर्चुगलका स्टार खेलाडी क्रिष्टियनो रानोल्डोसँगै सर्वाधिक ५ गोलको बराबरी गर्दै गोल्डेन बुट जित्ने दौडमा पुगेका हुन् ।

खेलको ४९औँ मिनटमा भ्लादिमिर कुफलको पासमा गोल गर्दै चेकलाई २–१ गोलको अवस्थामा पुर्याएका थिए । यो गोल यस संस्करण एउटा खेलाडीले गरेको सबैभ्न्दा बढी गोलको बराबरी गोल थियो ।

प्रतियोगितामा रानोल्डोले सबैभन्दा बढी ५ गोल गरेका छन् भने सिकले पनि डेनमार्कबिरुद्ध गोल गर्दे ब्यक्तिगत गोल संख्या पाँचमा पुर्याए । यद्यपी चेक रिपब्लिक डेनमार्कसँग २–१ गोल अन्तरले पराजित हुँदै प्रतियोगिताबाट बाहिरिएको छ ।

उपाधिको दौडको तेश्रो स्थानमा बेल्जियमका रोमेलु लुकाकु रहेका छन् । उनको गोल संख्या ४ रहेको छ ।

यस्तै सेमिफाइनलमा पुगिसकेका स्पेनका सबैभन्दा बढी गोल गर्ने इटालिका खेलाडी सिरो इमोबाइलको गोल संख्या २ छ भने स्पेनका पाब्लो साराबिया र फेर्रान टोरेसको पनि समान २–२ गोल रहेको छ ।