सिंहदरबार भन्छ खुवालुङ ढुंगो फुटाउँछु, प्रदेश भन्छ जोगाउँछु !

प्रदेश नम्बर एकको सप्तकोसी नदीमा अवस्थित किराँती संस्कृति, सभ्यता र मुन्धुमसँग जोडिएको खुवालुङ डुङ्गाको विषयमा विवाद कायम छ । केन्द्र सरकारले फुटाएर अवरोध हटाउने कुरा गरेको छ भने प्रदेश सरकारले संरक्षण गर्ने कुरा गरिरहेको छ ।

सप्तोकोशी नदीमा अवस्थित किराँती सँस्कृति, सभ्यता र मुन्धुमसँग जोडिएको खुवालुङ ढुंगाको संरक्षणमा प्रदेश १ सरकारले केन्द्र सरकारलाई काउन्टर दिएको छ ।

प्रदेशअन्तर्गत पर्ने उक्त नदीको अवरोध हटाउने केन्द्र सरकारले घोषणा गरिरहँदा उता प्रदेश सरकारले भने सोही खुवालुङको संरक्षण गर्ने जनाएको हो ।

‘विभिन्न भाषाभाषी, सँस्कृति जातजाति धर्मावलम्बीहरुको संस्कार, संस्कृति तथा लोप हुँदै गएका परम्परागत नृत्यहरुको संरक्षण गर्दै व्यावसायिक रुपमा प्रवद्र्धन गरिनेछ ।’

प्रदेश १ को बजेट वक्तव्यको बुँदा नम्बर ९३ मा भनिएको छ, ‘किराँती संस्कृति, सभ्यता र मुन्धुमसँग जोडिएको सप्तकोशी नदीमा अवस्थित खुवालुङको संरक्षण तथा अरुण तमोर सभ्यताको अध्ययन तथा प्रवद्र्धन गरी ऐतिहासिक, सांस्कृतिक तथा पर्यटकीय क्षेत्रको रुपमा विकास गरिनेछ ।’