नेतृत्व हस्तान्तरण प्रक्रिया शुरु भएको छ– प्रधानसेनापति थापा

प्रधान सेनापति पूर्णचन्द्र थापाले नेपाली सेनामा नेतृत्व हस्तान्तरणको प्रक्रिया आजैदेखि शुरु भएको बताएका छन् ।

आफ्नो कार्यकालको एक हजार दिन पूरा भएको अवसरमा आफ्नो कार्यकालको उपलब्धि सार्वजनिक गर्दै प्रधानसेनापति थापाले नेतृत्व हस्तान्तरणको प्रक्रिया शुरु भएको बताए ।

उनले भने, ‘यो दुई महीना नेतृत्व हस्तान्तरण कसरी प्रभावकारी बनाउने भन्नेमा केन्द्रित हुनेछु’।

प्रधानसेनापति थापाको तीन वर्षे कार्यकाल आगामी भदौ २४ मा सकिँदै छ । उनी २४ भदौ २०७५ मा प्रधानसेनापतिमा नियुक्त भएका थिए । सामान्यतया प्रधानसेनापति अवकाशको एक महीना अघि बिदा बस्ने प्रचलन छ ।

उनीपछि अब प्रधानसेनापति बन्ने लाइनमा बलाधिकृत रथी प्रभुराम शर्मा छन् ।