सत्तारुढ दलका शिर्ष नेतृत्वलाई मेलमिलापबाट अघि बढ्न परिवार दलको आग्रह

काठमाडौँ । नेपाल परिवार दलका अध्यक्ष एवं पूर्वमन्त्री एकनाथ ढकालले सत्तारुढ दल नेकपा एमालेका शिर्ष नेताहरुलाई मेलमिलाप गरेर नयाँ राजनैतिक संस्कृतिको थालनी गर्न सुझाव दिएका छन् ।

सिंगो राष्ट्र र नागरिकको जनजीवन कोभिड–१९ महामारीले आक्रान्त परेको र देशको अर्थतन्त्र थलो परेको अवस्थामा सबैभन्दा बढी जनादेश प्राप्त दललाई आन्तरिक द्वन्द्वमा समय बिताउने छुट हुँदैन भन्दै अध्यक्ष ढकालले क्षमा, प्रेम र एकताको मार्गचित्र अनुशरण गर्दै मुलुकलाई निकास दिन एमालेका अध्यक्ष तथा प्रधानमन्त्री केपी शर्मा ओली र शिर्ष नेताहरु तथा पूर्व प्रधानमन्त्रीद्वय माधवकुमार नेपाल र झलनाथ खनाललाई आग्रह गरेका छन् ।
पूर्वमन्त्री समेत रहेका ढकालले कठिन समयमा आँफू हारेर पनि देश र र जनतालाई जीताउने नेतृत्वनै इतिहासले कदर गर्ने बताउँदै यो अवसर एमालेका शिर्ष नेतृत्वलाई प्राप्त भएकोले खेर नफाल्न पनि आग्रह गरेका छन् ।
नेपाल परिवार दलले नेकपा एमालेसंग ३ बुदे सहमति गरि गत निर्वाचनमा सूर्य चिन्ह लिएर चुनाव लडेका थिए ।