भिडालको अविश्वनीय रेकर्ड!!

चिलियन स्टार अर्टुरो भिडालले कीर्तिमान बनाएका छन् । सन् २०२०–२१ को सिरी ‘ए’ जितेसँगै इन्टर मिलानका मिडफिल्डर भिडालले रेकर्ड बनाएका हुन् ।

सिजनका सुरुआतमा बार्सिलोनाबाट इन्टर पुगेका भिडालले पछिल्ला १० वर्षमा ९ वटा घरेलु उपाधि जितेका छन् । त्यसबाहेक उनले पछिल्ला १५ सिजनमा १२ वटा लिगको उपाधि जितेका छन् ।उनले युभेन्टसबाट सन् २०१२ देखि २०१५ को बीचमा चार उपाधि जितेका थिए । जर्मन क्लब बायर्नबाट तीन वटा र बार्सिलोनाबाट एउटा उपाधि जितेका छन् । उनी सन् २०१९–२० सिजन भने उपाधिबाट बिमुख भएका थिए ।

चिलियन स्टार भिडालले सन् २१५ मा कोपा इटालिया, २०१२ र १३ मा सुपर कोपा इटालिया, २०१६ मा डिएफबी पोकल, २०१६ र १७ मा जर्मन सुपर कप, २०१८ मा सुपरकोपाको उपाधि जितेका छन् । यस्तै २०१५ र २०१६ मा उनले कोपा अमेरिकाको उपाधि जितेका थिए ।