बुधबार सुनचाँदीको भाउमा गिरावट, कतिमा हुँदैछ कारोबार ?

सुनको भाउ लगातार दोश्रो दिन गिरावट भएको छ । बैशाख १५ गते, बुधबार सुन तोलामा ७०० रुपैयाँले घटेको हो ।

यस दिन छापावाला सुन प्रतितोला ९० हजार ५०० रुपैयाँमा कारोबार भइरहेको नेपाल सुनचाँदी व्यवसायी महासंघको तथ्यांकले देखाउँछ । यसैगरी तेजाबी सुनको भाउ पनि ओरालो लागेर आज प्रतितोला ९० हजार रुपैयाँमा झरेको छ ।

अघिल्लो कारोबार दिन सुन तोलामा १०० रुपैयाँले घट्दा प्रतितोला ९१ हजार २०० रुपैयाँमा खरिदबिक्री भएको थियो ।

बुधबार सुनसँगै चाँदीको मूल्य पनि ओरालो लागेको छ । यस दिन चाँदी तोलामा १० रुपैयाँले घटेर प्रतितोला एक हजार ३०५ रुपैयाँमा किनबेच हुँदैछ । महासंघको तथ्यांक अनुसार मंगलबार भने चाँदीको मूल्यमा वृद्धि हुँदा प्रतितोला एक हजार ३१५ रुपैयाँ पुगेको थियो ।