यातायात व्यवसायीको प्रश्नः कोरोना गाडीबाट मात्रै सर्छ, जहाजबाट सर्दैन?

कोरोना भाइरस महामारी रोकथाम तथा नियन्त्रणका लागि काठमाडौं उपत्यकामा बिहीबारदेखि एक साता निषेधाज्ञा जारी गरिएको छ। वैशाख १६ गतेदेखि २२ गतेसम्म निषेधाज्ञा समयमा अत्यावश्यक बाहेक सबै सवारीसाधन सञ्चालनमा रोक लगाइएको छ।

सवारी सञ्चालनमा रोक लगाइए पनि हवाई सेवा भने तत्काल बन्द नगर्ने सरकारले निर्णय गरेको छ। यातायात व्यवसायीहरूले सरकारको यो निर्णय विभेदकारी भएको गुनासो गरेका छन्।

नेपाल यातायात व्यवसायी राष्ट्रिय महासंघका महासचिव सरोज सिटौलाले सरकारको निर्णय विभेदकारी भएको भन्दै दुःख व्यक्त गरे।

‘गाडी बन्द गर्दा सरकारले जहाज किन बन्द नगर्ने? गाडीबाट कोरोना संक्रमण फैलिने जोखिम हुँदा जहाजमा हुँदैन?,’ उनले प्रश्न गरे।