सरकार आफैले दिएको पदकमा फिर्ता ल्याएको भुमीको नक्सा राख्नु नपर्ने ?, भुमी मैरै पालामा ल्याएँ मात्र भन्ने हो ?

सरकारले बितरण गरेको पदकमा नेपालको भारतले हडपेको भुमीको नया नक्सा देखिदैन । सरकार स्वायमले बाडेको पदकमा किन नेपालको पुरा चुच्चे नक्सा दिखिदैन भन्ने प्रश्न उठेका छन ।

सरकारबाट पाएको पदक धेरैले सामाजिक संजालमा राखे तर सामाजिक संजालमा राखिएका तस्बिरहरुमा नेपालको पुरा नक्सा देखिएन ।

संसदले समेत अनुमोदन गरेको उक्त नक्शामा सुदूरपश्चिमको दार्चुला जिल्लामा पर्ने कालापानी, लिपुलेकसहितको भूमि पनि समेटिएको छ । तर शुक्रबार वितरण भएको पदकमा नयाँ नक्शा नदेखिएपछि सामाजिक सञ्जालमा ‘चुच्चे नक्शा खै’ भन्ने प्रश्न उठेको छ ।

गृह मन्त्रालयका प्रवक्ता चक्रबहादुर बुढाका अनुसार ‘यो पोहोर सालकै पदक हो । कोरोनाका कारण दिन पाइएको थिएन । पोहोर पदकमा पहिल्‍यै छापिएर आइसकेकाले फेर्न मिलेन ।’ उनका अनुसार यो पदक २०७६ सालमा घोषणा गरिएको हो ।

पदक लिन बाँकी रहेकाहरुलाई वैशाख १ गते नयाँ नक्शासहितको पदक प्रदान गरिने बताए । उनले भने, ‘आज बाँडिएको पदक पहिल्‍यै छापिएको हो । बाँकी रहेकालाई आउँदो वैशाख १ गते सुशोभन गरिनेछ ।