अब काठमाडौँ नबस्ने प्रचण्डको घोषणा !

नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले अब आफू अब थोरै समय मात्रै काठमाडौं बस्ने र धेरै समय जिल्लालाई दिने घोाषणा गरेका छन् ।

मंगलबार जनआन्दोलन दिवसको सन्दर्भमा रुकुममा आयोजित आमसभालाई सम्बोधन गर्दै प्रचण्डले यस्तो बताएका हुन्। रुकुममा आयोजित आर्थिक समृद्धि, सामाजिक, सांस्कृतिक रुपान्तरण लागि
आयोजित प्रशिक्षण कार्यक्रममा बोल्दै प्रचण्डले यस्तो बताएका हुन्।

प्रचण्डले बाँकी अवधि फेरि जनताको काखमा बसेर प्रतिक्रान्तिकारीलाई चुनौती दिने आँट भएकोसमेत घोषणा गरेका छन्।
‘अब थोरै समय काठमाठौँ, धेरै समय जिल्लालाई दिन चाहेको छु’, प्रचण्डले भने, ‘बाँकी अवधि जनताको काखमा फेरि एकचोटी गएर प्रतिक्रान्तिकारीलाई चुनौती दिने आँट मसँग छ।’

जनसभा तथा प्रशिक्षण कार्यक्रममा देखिएको उपस्थितिले आफूलाई ऊर्जा दिएको भन्दै प्रचण्डले प्रतिक्रान्तिकारीसँग कहिल्यै नझुक्ने बताए। उनले जनताका अगाडि गरिएका प्रतिबद्धतालाई बिर्सिएर नझुक्ने बताए्।