दिँदा नखाने राति गएर कोल चाट्ने, प्रचण्डको स्वार्थका पछाडि देश सती जान सक्दैन : प्रधानमन्त्री

प्रधानमन्त्री केपी शर्मा ओलीले सर्वोच्चको फैसलाप्रति माओवादी केन्द्रले गरेको पुनरवलोकनलाई लिएर असन्तुस्टी जनाउदै,दिँदा नखाने राति गएर कोल चाट्ने, प्रचण्डको स्वार्थका पछाडि देश सती जान नसक्ने कुरा बताएका छन ।

रिपोर्टर्स क्लवको वार्षिकोत्सव कार्यक्रममा बोल्दै प्रधानमन्त्री ओलीले अदालत मजाक गर्ने ठाउँ हो भनेर प्रश्न गरे ।

एकताको विषयमा कुरा गर्न आफूले प्रचण्डलाई फोन गरेको पनि बताए । तर, त्यो विषयलाई प्रचण्डले अखबारवाजी गरेको आरोप लगाए ।

‘एकता बाँकी थियो र अदालतले भंग गर्ने ? जहाँ अध्यक्षलाई दलको नेताबाट, पार्टीको साधारण सदस्यबाट समेत हटाइन्छ, त्यहाँ एकता थियो भनेर ढाँट कुरा गर्ने ? तैपनि मैले कुरा गर्नलाई फोन गरेँ । उहाँले मजाक बनाएर अखबारवाजी गर्नुभो । अहिले एकताको कुरा गर्दै हुनुहुन्छ । दिँदा नखाने राति गएर कोल चाट्ने ?’