प्रचण्डलाई ओलीको झटारो: बेकारका उल्टापाल्टा कुरा नगर्नु अदालतले पार्टी मिलाई दिने हैन

प्रधानमन्त्री केपी शर्मा ओलीले नेकपा माओवादी केन्द्रका अध्यक्ष पुष्पकमल दाहाल प्रचण्डलाई उल्टापाल्टा कुरा नगर्न आग्रह गरेका छन्।
पार्टी एकताकै बेकारको कुरा डबलीमा गर्दै हिँडेको भन्दै ओलीले प्रचण्डलाई बेकारका उल्टापाल्टा कुरा नगर्न भनेका छन्।

नेकपा खारेज गरेको विषयमा प्रचण्डले आज सर्वोच्चमा मुद्दा दिएका थिए। त्यसतर्फ संकेत गर्दै ओलीले अदालतले पार्टी मिलाइदिने हो भन्ने प्रश्न गरेका छन्।

साथै निर्वाचन आयोगमा गएर पार्टी दर्ता गर्न पनि उनले आग्रह गरेका छन्।

‘निर्वाचन आयोगमा गएर पार्टी दर्ता गर्न कसले रोकेको छ? रिपोर्टस् क्लवको कार्यक्रममा बोल्दै प्रधानमन्त्री ओलीले भने, ‘अनि अदालतमा पार्टी एउटै गरिपाऊँ भन्ने? अदालतले गरिदिने हो पार्टी एकता?