रेशम चौधरीका पिता भन्छन्– केपी ओलीको सत्ता टिकाउन मेरो छोरालाई ‘मोहरा’ नबनाइयोस्

जनता समाजवादी पार्टी (जसपा) नेपालले पछिल्लो समय रेशम चौधरीको रिहाइलाई मुख्य राजनीतिक मुद्दा बनाएको छ । संविधान संशोधन लगायतका मुद्दामा जोड दिँदै आएको सो पार्टीले संसदीय अंकगणितका आधारमा आफू सत्ता गठबन्धनका लागि निर्णायक भूमिका निर्वाह गर्ने तहमा पुगेसँगै रेशम चौधरीको रिहाइलाई मुख्य मुद्दा बनाएको हो ।

कैलाली–१ बाट निर्वाचित सांसद चौधरी हाल जेलमा छन् । टीकापुर घटनाको मुख्य योजनाकारका रुपमा अदालतले उनलाई आजीवन कारावासको सजाय तोकेको छ । जसपा नेपालकै मागअनुसार रेशम चौधरीलाई रिहा गर्न सरकारसमेत तयार रहेको संकेत देखिएकै बेला रेशम चौधरीका पिता लालवीर चौधरी भने आफ्नो छोरालाई ‘मोहरा’ बनाउन थालिएको गुनासो गर्दछन् ।

रातोपाटी अनलाईन संग कुरा गर्दै रेसम चौधरिका बुबाले केपी ओलीले सत्ता टिकाई राख्न छोरालई मोहोरा बनाएको कुरा बताएका हुन ।