सञ्चालनमा आएन विराटनगर महानगरपालिकाको ब्रुमर

खरिद गरिएको दुई वर्ष वित्दा पनि विराटनगर महानगरपालिकाको ब्रुमर सञ्चालनमा आउन सकेको छैन ।

दुई वर्षअघि ५५ लाख रूपैयाँमा खरिद गरिएको ब्रुमर केही समयमै विग्रिएको थियो । मर्मत सम्भारका लागि भन्दै लामो समयदेखि ब्रुमर थन्काइँदा महानगरमा धुलोको समस्या बढेको छ ।

निर्माणाधीन विराटनगर-धरान व्यापारिक राजमार्गमा धुलोको समस्या हिँड्दा सर्वसाधारण समस्या छन् । महानगर क्षेत्रकै निर्माण  भइसकेका सडक पनि धुलोले हिँडिसक्ने अवस्था छैन ।

महानगरपालिकाले भने ब्रुमर जतुवामा मर्मतसम्भार भइरहेको जनाएको छ । ब्रुमर मर्मतसम्भार भइसक्नेवित्तिकै सञ्चालन गरिने महानगरको फोहोर पानी प्रशोधन केन्द्रका प्रमुख अनिल सिंहले जानकारी दिए ।