डडेल्धुरामा डोको आन्दोलन

किशोरी बलात्कार तथा हत्याको विरोध गर्दै डडेल्धुरामा डोको आन्दोलन गरिएको छ ।
बैतडीको दोगडाकेदार गाउँपालिकाकी भागरथी भट्टको बलात्कारपछि हत्या भएको घटनाको विरोधमा स्थानीय युवा समाजसेवीले डोको आन्दोलन गरेका हुन् ।

महिला हिंसा, किशोरी बलात्कार तथा हत्या महंगी, भ्रष्टाचार, घुसखोरी, भोकमरी, बेरोजगारी लगायतका विकृतिको भारी जनताको बोकेको प्रतिकको रुपमा डोको आन्दोलन गरिएको स्थानीय समाजसेवी तिलक हमालले जानकारी दिनुभयो ।

यसअघि कञ्चनपुरकी निर्मला पन्त, बझाङकी सम्झना कामीको बलात्कार पछि हत्या भएको समयमा पनि हमालको समूहले डडेल्धुरामा प्रदर्शन गरेको थियो । ‘फोहोरी राजनीतिले बनायो भरिया’ नामक सडक डोको आन्दोलनमा स्थानीयहरूको पनि समर्थन गरेका छन् ।